*اكلات شم النسيم*

..................................الرنجه........................


.....................المقادير:...............

رنجة مدخنة _طماطم مقطعة قطع صغيرة
عصير ليمون_ ربع فنجان زيت

....................الطريقة:.................
اشوي الرنجة على النار مباشرة لغاية ما تلاقي إن الجلد بدأ يتشقق، بعد كده اخليها من الأشواك وقطعيها قطع متوسطة الحجم هاتي صنية وحطي فيها الزيت، وبعد كده ضيفي إليه الطماطم وقلبيهم مع بعض لمدة 5 دقائق، وبعد كده ضيفي إليهم الرنجة وعصير الليمون مع التقليب لمدة 10 دقائق بعد كده قدميها وبالهنا والشفا.


______________________________________

..........................الفسيخ والسردين........................

بالنسبة لعمل الفسيخ والسردين فإن أحسن طريقة لعمايلهم هي إنك تنضفيهم كويس من القشرة ومن جوه وبعد كده وتقسميهم قسمين وترشي عليهم زيت وليمون.
وياريت إنك تعملي العملية دي قبل يوم شم النسيم بيوم علشان يتنقع الفسيخ والسردين في الزيت والليمون كويس وبالتالي تقل نسبة الملوحة فيهم.



_________________________________________

.........................سمك مشوي عادي........................


فيه ناس مش بتحب الرنجة والسردين والفسيخ علشان كده هنقول لك على كذا طريقة لعمل السمك المشوي ممكن إنك تجربيها في اليوم ده..
..............................المقادير:.....................

سمك _ نصف راس ثوم_ربطتين كزبرة

معلقة كبيرة كمون _معلقة ملح_معلقة خل

معلقتين شطة حمراء مطحونة

معلقة صغيرة بهارات .

.......................الطريقة:..................
افرمي الكزبة بس الفرمة تكون خشنة ودقي الثوم مع الكمون والبهارات والملح والفلفل الأحمر والليمون وبعد كده ضيفيهم إلى الكزبرة واحشي بيهم قلب السمكة ورشي ماء الحشو على السمكة من فوق وسيبي السمكة نصف ساعة لغاية ما تتّبّل وبعد كده حطيها في الفرن لمدة نصف ساعة أو أقل لغاية ما تلاقي السمكة استوت.. بعد كده طلعيها وقدميها وبالهنا والشفا.


_________________________________________

.........................سمك فيلية في الفرن....................

...................المقادير:...............

كيلو سمك شرائح فيليه _ عصير 3 ليمونات

نصف كوب كزبرة خضراء مقطعة قطع صغيرة

3 ثمرات فلفل أحمر حار مقطع قطع صغيرة

3 ثمرات طماطم مقطعة قطع صغيرة

5 ملاعق كبيرة زيت ذرة + 5 ملاعق كبيرة زيت زيتون

2 معلقة صغيرة كمون_ 2 معلقة صغيرة فلفل أسود_ 2 معلقة صغيرة ملح


.........................الطريقة:..................

اخلطي جميع البهارات الموجودة مع الطماطم والليمون والفلفل والكزبرة والزيت والثوم والبصل وحطي نصفهم في صينية فرن مستطيلة وبعد كده رصي السمك وباقي الخليط فوق السمك وحطيه في الفرن على درجة حرارة متوسطة لغاية ما يستوي وقدميه في طبق مع خس أخضر وشرائح الليمون وبالهنا والشفا.


_____________________________

ميرسى على الاكلات ونايس موضوع بس ياخسارة انا مش باكل الفسيخ او الرنجة

ههههههههههههههههههههههههههههههههههههههههه

بس بموت فى السمك المشوى