elramy
مرحبا بك فى منتدانا نرجو امضاء وقت سعيد ونشكرك على تشريفك المنتدى بالزيارة

elramy

WeLCOME...........................AT...ELRaMy Forums
 
الرئيسيةالبوابةاليوميةس .و .جالتسجيلدخول

شاطر | 
 

 ماهو الفرق بين بابا وجوزك ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد الرامى
مدير عام المنتدى
مدير عام المنتدى
avatar

ذكر
عدد الرسائل : 400
العمر : 32
تاريخ التسجيل : 17/01/2008

مُساهمةموضوع: ماهو الفرق بين بابا وجوزك ؟   السبت أبريل 05, 2008 5:41 am

مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديه وفوقيها بوسه
..لكن مع جوزك .. بيقول انت خلاص كبرتى على الحاجات دى

مع بابا.. بتنامى وتصحى وقت ما انتى عايزه .. مع جوزك .. وقت ماهو عايز .. او مع مواعيد شغله.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا

باباكى .. كلمه حلوه ترضيه ..
وجوزك .. طول الليل تحايلى فيه

باباكى وانتى عيانه .. سهران جنبك طول اليوم انما جوزك بيروح ينام فى الاوضه التانيه.

بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه

باباكى.. لما تقولى له .. ده حصل كذا وكذا .. بيهتم ويصدقك
انما جوزك .. بيقولك .. الموضوع دا وراه ان .. ويشك فى كلامك

بابا .. لو شافك بتعيطى ها يمسح دمعتك
انما جوزك .. ها يقولك يادى النكد


مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد

مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟


بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه





لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره .. يا ميلودى





بابا لو نازل مشوار .. بيعمل ليكى اعتبار ويديكى خبر
لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو جالك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...




لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى لكن
جوزك ها يقولك مش ضرورى وجع القلب دا

لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه



لو مقدمه على شغل ..باباكى.. ها يوصى عليكى طوب الارض لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره




باباكى لو لاحظ انك متخانقه مع اختك .. ها يصالحكوا على بعض


لكن جوزك هيقولك خليهم يولعوا دول عيله عجب




مهما باباكى كان متضايق .. لا يمكن تكلميه وتلاقيه مكشر


لكن جوزك.. لو متضايق .. مصر كلها هتنكد عليكي





مش كنتي عاوزه تتجوزي ..طب أديكي إتجوزتي... إستحملى بقى


sd
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elramy.ahlamontada.com/portal.htm
IlI_Free_IlI
نائب نائب المدير
نائب نائب المدير
avatar

ذكر
عدد الرسائل : 172
العمر : 87
تاريخ التسجيل : 22/02/2008

مُساهمةموضوع: رد: ماهو الفرق بين بابا وجوزك ؟   الإثنين أبريل 07, 2008 5:42 pm

هههههههههههههههههههههههههههههههههه
كان فيه اغنيه زمان بتقول " ماتحسبوش يابنات ان الجواز راحه "
انا افتكرت الاغنيه دي دلوقتي
بس والله لو بيحبها يارامي عمره ماهيقدر يتعبها او يزعلها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ماهو الفرق بين بابا وجوزك ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
elramy :: ۩~۵۩ الوادي الأسلامــــــي ۩۵~۩ :: وادى المراة والطفل-
انتقل الى: