elramy
مرحبا بك فى منتدانا نرجو امضاء وقت سعيد ونشكرك على تشريفك المنتدى بالزيارة
elramy
مرحبا بك فى منتدانا نرجو امضاء وقت سعيد ونشكرك على تشريفك المنتدى بالزيارة
elramy
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

elramy

WeLCOME...........................AT...ELRaMy Forums
 
الرئيسيةالبوابةأحدث الصورالتسجيلدخول

 

 يوميات مواطن رخم ههههههههههههههههههههههههه

اذهب الى الأسفل 
3 مشترك
كاتب الموضوعرسالة
محمد الرامى
مدير عام المنتدى
مدير عام المنتدى
محمد الرامى


ذكر
عدد الرسائل : 400
العمر : 38
تاريخ التسجيل : 17/01/2008

يوميات مواطن رخم ههههههههههههههههههههههههه Empty
مُساهمةموضوع: يوميات مواطن رخم ههههههههههههههههههههههههه   يوميات مواطن رخم ههههههههههههههههههههههههه Emptyالإثنين أبريل 28, 2008 9:12 am

(طبعا زى مانتو مش عارفين , حنفى شغال مدرس فى مدرسة اعدادية , وبما إن اليومين دول فى امتحانات فحنفى كان عنده مراقبة على لجنة . حنفى دخل اللجنة وبدأ يعمل شوية حركات من بتوعه)





حنفى : اسمع يافاشل انت وهو , حسك عينك أى واحد فيكم يفكر , مجرد انه يفكر بس فى إنه يغش حرف من اللى جنبه , والحمام ممنوع , لو العملية قفلت معاك أوى , اعملها على نفسك واحنا هنبقى نتصرفلك فى هدوم , وممنوع حد ياخد أدوات من غيره , انتو جايين امتحان مش محل بلاى ستيشن , سامع يافاشل منك له .


(
العيال قعدت تبص لحنفى وهو بيكلم , وكأنها بتبص لمخلوق فضائى جاى من المريخ , ومستغربين انه داخل عليهم سخن أوى , المهم ورق الاجابة جه , وحنفى بدأ يوزع الورق )



حنفى : كل جحش فيكم يكتب اسمه ورقم جلوسه على الورقة من برة ويحط أى حاجة تحت الورقة عشان الكلام مايطبعش وتكتب اسم المادة فى الخانة اللى فوق دى .



أحد التلاميذ : أستاذ , أستاذ



حنفى : هو احنا هنبتدى أسئلة من دلوقتى , عايز ايه يا منيل



التلميذ : هو احنا هنمتحن مادة ايه النهاردة؟



حنفى : نعم ياروح ماما , هتمتحن مادة ايه النهاردة , ده انت هتتعلق حالا



التلميذ : لا والنبى ياأستاذ , كله الا التعليق ده أنا كنت بهزر معاك والله



حنفى : بتهزر , طيب ياموكوس أنا هاعرف ازاى تهزر تانى معايا



أحد التلاميذ : أستاذ , أستاذ



حنفى : اللهم طولك ياروح , فيه ايه يلا ,عايز تهزر انت كمان ولا حاجة؟



التلميذ : لا ياأستاذ , أصل أنا كنت بكتب وأنا سرحان فكتبت اسم اللى جنبى فى ورقتى بدل مااكتب اسمى



حنفى : الله يخربيتك , هو انت هتبدأ الغش من دلوقتى يلا , يعنى أعملك محضر غش دلوقتى



التلميذ : محضر غش ازاى ياأستاذ , هو ورق الاسئلة اتوزع لسة ؟؟



حنفى: ده انت بتتلامض كمان , ده انا هبهدلكم النهاردة , اعمل خط صغير على الاسم اللى انت كتبته واكتب اسمك فوقيه



التلميذ : بس فى حاجة تانية ياأستاذ



حنفى : قول ياخويا , ماهو أصلا اليوم باين من أول ماشوفت مراتى الصبح



التلميذ : الواد اللى جنبى برضه كان سرحان وهو بيكتب اسمه ,فكتب اسمى فى ورقته بدل مايكتب اسمه.



حنفى : الله يخربيتكم انتو الاتنين , خلاص يا ساقط انت وهو بدلو ورقكم مع بعض



التلميذ : نبدل الورق ؟! بس ده كده يبقى غش ياأستاذ



حنفى : ده انت يومك مش هيعدى النهاردة . غش ايه يا أبو جهل ,هوانتو لسة ماخدتوش ورقة الاسئلة



التلميذ : هو مش انت كنت عايز تعملى محضر غش من شوية ؟؟



حنفى: ماتقلقش ياروح خالتو , المحضر هيتعملك النهاردة لو فضلت تتلامض كتير كده



التلميذ : لا خلاص , انا اسف ياأستاذ



( ورق الاسئلة جه , وحنفى وزع الورق على التلاميذ)



حنفى : ماسمعش نفس فيكو دلوقتى , كل بغل فيكو يركز فى ورقته ويكتب اللى هو عارفه , اللى هشوفه بيتلفت بس هاسحب منه ورقته , الامتحان زمنه ساعتين , ساعتين وخمس ثوانى يكون ورق الاجابة كل عنده , واللى هيتأخر عن خمس ثوانى , يبقى ياخد ورقته ويديها للراجل بتاع عربية الفول اللى تحت المدرسة , حد عنده سؤال؟



أحد التلاميذ: أستاذ , أستاذ



حنفى : أيوة



التلميذ : هو يعنى ايه السؤال اللى فى أول الورقة فوق ده ؟



حنفى : قول السؤال و أنا أقولك معناه



التلميذ : مكتوب امتحان دور مايو للصف الثانى الاعدادى 2006/2007, يعنى هو عايز مننا ايه فى السؤال ده ؟



حنفى : عايز يعرف مستوى غباء كل واحد فيكو أد إيه , وبيتهيألى انت هتاخد أعلى نسبة على مستوى الجمهورية



التلميذ : يعنى أكتب فى إجابة السؤال ده نسبة الغباء كام فى المية ؟



حنفى : لا سيبه فاضى وحل اللى بعده على مانسألك مدرس المادة , يافاشل



حنفى : يلا يابنى انت , عدى ربع ساعة و 3 دقايق و33 ثانية , يعنى فاضلكم ساعتين الا ربع الا 3 دقايق الا 33 ثانية , يلا عشان الامتحان طويل



حنفى : خف ايدك يافاشل انت وهو , عدى نص ساعة الا خمس دقايق , يعنى فاضلكم ساعة ونص وخمس دقايق



أحد التلاميذ : ياأستاذ كده حضرتك بتوترنا , مش كل شوية تقول الوقت , احنا كده بنقلق



حنفى : طيب ياعم الدحاح , محسسنى انك هتنجح يعنى , والنبى ده منظر متعلم أساسا.



التلميذ : الله يسامحك ياأستاذ



حنفى : ياعينى يابنى , قطعت قلبى . خلص يلا وبطل كلام , عيال آخر زمن صحيح



(حنفى لقط واحد من التلاميذ بيطلع ورقة مخبيها تحت الطاقية )



حنفى : حلاوتك يامعلم , بتغش يلا



التلميذ : والمصحف الشريف ماغشيت ياأستاذ



حنفى : طلع الورقة بالذوق عشان ماقطعلكش ورقة الاجابة



التلميذ : ورقة ايه ياأستاذ , والله مامعايا ورق ولا حاجة , أنا الحمد لله شاطر ومش محتاج أغش



حنفى : طب اقلع الطاقية



التلميذ : وايه علاقة الطاقية بكلامى مع حضرتك , هى الطاقية هتغش ولا ايه ؟هههههه



حنفى : وكمان بتهزر , اقلع الطاقية يلا



التلميذ : يأستاذ ماينفعش , أصل أنا عندى الايدز والدكتور قاللى ماقلعش الطاقية دى خالص , أصل أنا لو قلعتها هاعدى كل اللى حواليه , وانت عارف بقى ان الايدز بيجيب كحة وسخونية وحاجات من كده , وأنا خايف عايك والله ياأستاذ



حنفى : يعنى مش هاتقلعها , طيب



( حنفى راح مكتف الواد , وقلعه الطاقية , ولقى الطاقية مردومة ورق)



حنفى : نهار أبوك اسود



التلميذ : والله ياأستاذ آخر مرة , أصل أنا لو مانجحتش فى الامتحان ده , أبويا هيطلق أمى



حنفى : الهى البيت يولع بيهم هما الاتنين و العالم يستريح من الاتنين اللى جايبينك , ده انت يابنى كده كتبت على نفسك حكم بالاعدام , ولما تبقى تروح , يبقى طمنى أبوك طلق أمك ولا لسة



التلميذ : عشان خاطرى ياأستاذ



حنفى : خاطر لم يخبطك ويجيبلك ارتجاج فى المخ يابعيد , بره , اطلع برة واعتبر نفسك شلت المادة , عشان تتعلم الادب بعد كده



(الواد خرج من اللجنة , بعد ما حنفى عمله محضر غش , وحنفى كمل مراقبته على اللجنة )



حنفى : فاضل من الوقت ربع ساعة



حنفى : فاضل من الوقت عشر دقايق



حنفى : فاضل من الوقت خمس دقايق



أحد التلاميذ : ايه ياأستاذ , هو انت مركب لساعتك موتور عربية ؟؟



حنفى : خلص ياابو لسان عشان فاضل خمس دقايق , وعشان استظرافك ده , فاضلك دقيقتين بس



التلميذ : طب وتتعب نفسك ليه , اتفضل الورقة أهى ,الله يخربيتك (بصوت واطى)




حنفى : لا أسد يلا , يبقى قابلنى ان نفعت . يلا يابنى انت وهو , زى ماقلتلكو قبل كده اللى عايز يجيب ورقته دلوقتى يجيبها , واللى مش عايز بتاع الفول مستنيه تحت .




(حنفى لم ورق الاجابات كله , بعد ماطلع عين العيال ووترهم , وكان السبب فى ان عشر عيال شالو المادة دى ده غير ان الاول على الفصل نقص عشرين درجة فيها .... بركاتك ياشيخ حنفى)
الرجوع الى أعلى الصفحة اذهب الى الأسفل
https://elramy.ahlamontada.com/portal.htm
كيرلس ذكرى
عضو مميز جدا
عضو مميز جدا
كيرلس ذكرى


ذكر
عدد الرسائل : 90
العمر : 35
تاريخ التسجيل : 23/03/2008

يوميات مواطن رخم ههههههههههههههههههههههههه Empty
مُساهمةموضوع: رد: يوميات مواطن رخم ههههههههههههههههههههههههه   يوميات مواطن رخم ههههههههههههههههههههههههه Emptyالثلاثاء أبريل 29, 2008 10:36 am

على فكرة انا سرحت وحطيت نفسى مكان عيل من العيال دى
تعرف يا رامى حسيت بايه
يووووووووووووووووووو ده لو كان فى اللجنة بتاعتى كنت اديته علقة مينسهاش طول عمره بس هاتنسيه الرخامة على خلق الله
انا صادفت بواحد منهم فى مرة وانا بمتحن فى الكلية بس معملتش حاجة بصراحة معاه
بس سخنت العيال عليه لغاية مواحد منهم اتخانق معاه وضربه علقة حلوة ونجحنا
بس يا رامى ده انت خنقتنى بزفت الطين ده
انت جيبته منين ياعم ده
بس نايس موضوع يخنق
الرجوع الى أعلى الصفحة اذهب الى الأسفل
https://elramy.ahlamontada.com/montada-f11/topic-t224.htm#411
محمد الرامى
مدير عام المنتدى
مدير عام المنتدى
محمد الرامى


ذكر
عدد الرسائل : 400
العمر : 38
تاريخ التسجيل : 17/01/2008

يوميات مواطن رخم ههههههههههههههههههههههههه Empty
مُساهمةموضوع: رد: يوميات مواطن رخم ههههههههههههههههههههههههه   يوميات مواطن رخم ههههههههههههههههههههههههه Emptyالثلاثاء أبريل 29, 2008 10:45 am

هههههههههههههههههههههههههههههههههههههههههههههههههه

مش قادر امسك نفسى من الضحك استنى بس انت لسة شوفت حاجة ولسة
الرجوع الى أعلى الصفحة اذهب الى الأسفل
https://elramy.ahlamontada.com/portal.htm
monaamr
عضو مميز
عضو مميز
monaamr


انثى
عدد الرسائل : 81
تاريخ التسجيل : 17/01/2008

يوميات مواطن رخم ههههههههههههههههههههههههه Empty
مُساهمةموضوع: رد: يوميات مواطن رخم ههههههههههههههههههههههههه   يوميات مواطن رخم ههههههههههههههههههههههههه Emptyالثلاثاء أبريل 29, 2008 12:35 pm

ههههههههههههههههههههه

نيس رخامه يا حنفى الله يكون فى عون العيال دول

ههههههههههههههههههههههههههههههههههه
هههههههههههههههههههههههه
الرجوع الى أعلى الصفحة اذهب الى الأسفل
 
يوميات مواطن رخم ههههههههههههههههههههههههه
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
elramy :: ۩~۵۩ الوادي الأسلامــــــي ۩۵~۩ :: وادى الحورات الساخنه-
انتقل الى: