بخاف ياحبيبتى من بكره لتفتكرينى فيه ذكرى
ومتكونيش ليا فاكرة كل اللى عملته عشانك
خايف بجد لتجرحينى وتبعدى عنى وتنسينى
وتضيعى منى حلم سنينى وتسبينى اقاسى فى بعادك
ايه يادنيا مخبيالنا هتحققلنا اللى فى خيالنا
ولا هتقفى قدامنا وتكتبى لينا فراقنا
من كتر ماقلبى شاف عذاب وسنين ضياع
مهما بتوعدينى بخاف لتقوليلى فى يوم وداع
ياه لو تعرفى قد ايه حب ليكى ياه لو تعرفى قد ايه بخاف عليكى
لو تعرفى سعادتى قد ايه وانا بيكى وانا عينى فى عينك وانا لامس ايديكى
ضمينى حبيبتى شيلى من الخوف خليكى جنبى مهما كانت الظروف
ده انا قلبى ليكى ياعمرى ملهوف وعاشقك ودايب فى هواكى
قوليلى ياحبيبتى بحبك كمان بسمعها منك بحس بأمان
ياحلم بحلم بيه من زمان ياعمرى ياعشقى ياملاكى
الأحد يناير 20, 2008 8:53 am
