والله حرام وكتير عليا اوى

انا احترت اكتب فى اى قسم من اقسام المنتدى
لكن ملقتش غير القسم ده علشان عايز اتكلم من قلبى
يوم الاثنين الماضى توفت واحدة كانت من اعز الناس عندى وقولت ربنا عايز كدة ودى مشيئته
ويادوب بدات افوق من الصدمة دى الا واسمع خبر جعلنى ارخ صراخا هستيريا لانه كان كارثة بكل المقاييس
امبارح كانت حفلة تخرج 7 اصدقاء ليا وكانت الحفلة بالفيوم واللى كان من المفروض انى احضرها
راحوا زمايلى وهما فى منتهى السعادة مع اهاليهم اللى كانوا هايطيروا من الفرحة ان اولادهم خلاص هايتخرجوا ويعيشوا الحياة والمسئولية
انتهت الحفلة بالفيوم وسط فرحة مش قادر اعبرلكم عنها
لكن تاتى الرياح بما لا تشتهى السفن
حادث اليم وبشع على طريق بنى سويف الفيوم يروح ضحيته 28 واحد تشاء الاقدار ويشاء الله انه يصدمنى بصدمة قوية وهى وفاة خمسة من اصحابى فى الحادث الاليم
يعنوا راحوا الحفلة سبعة يادوب رجعولى اثنين حتى مقدرتش افرح معاهم يوم حفلة تخرجهم ولا حتى انى اودعهم الى مثواهم الاخير
ليه يارب كل ده
دول شباب لسة ماخدوش شىء من الدنيا
حرام وحرام اوى كمان
انا لما سمعت الخبر اتصدمت وشىء جوايا خلانى اضع نفسى مكان احد اهالى اصحابى توفاهم الله
يااااااااااااااااااااااااااااااااه
تخيلوا ماذا حدث لهم
حرام ده ولا مش حرام
انا مش عايز من ربن غير انى اعرف حكمته فى اللى حصل
ست شباب يروحوا
يارب سامحنا واغفر لنا خطيانا وصبر اهاليهم وصبرنا
سامحنى يارب


انا اسف اوى من الموضوع ده اللى اكيد احزنكم كما احزننى لكنى كنت محتاج انى اتكلم تعبت اوى الايام اللى فاتت دى ومش مستحمل اى حاجة

كمان بعتذر لاى حد من اصحابى ان كنت غلطت فى حقه الايام اللى فاتت دى انتوا شايفين الظروف اللى انا فيها

انا لله وانا اليه راجعون
قلبي معاك ياكوكي واستحمل وهو ده قضاء ربنا وقدره
وانا لله وانا اليه راجعون

البقاء لله واحدة

البقيه فى حياتك يا كوكى وربنا يصبر اهليهم

بس صدقنى فى ساعات الموت بيكون راحه ..

سبحان الله الى بيتمنى الموت مش عاوز يجيه ..

شكرا لردود ومواساة الجميع لكن صدقونى انا بتمنى احصلهم او لو كان ربنا عايز حد تانى من اصحابى ارجوه انه ياخدنى انا

بعد الشر عليك ياكوكي وصدقني انا كنت بتمني الموت كتير بس لقيت ان فيه ناس بتحبني وعايزاني علشان كده قلت اعيش ليهم
وصدقني مهما الدنيا اخدت مننا اللي بنحبهم هيكون موجود ناس كتير بيحبونا يستحقوا ان احنا نعيش ليهم وعلشانهم وربنا يجعلها اخر الاحزان