السلام عليكم ورحمة الله وبركاته
نورتى يامنى المنتدى والحمد لله على رجوعك بمواضيعك الجميلة
اولا : فى حاجة لازم اقولها ان الانسان هو الانسان مش شئ تانى والانسان بيخطا فى حياته وده على كل الناس نش على شخص معين . المهم انه يستفيد من خطاه او يصلحة حتى لو كان تصحيح الخطا ده ممكن يغير نظرة الناس تجاهه .
الافضل انه يصحح الخطا والا هيفضل طول حياه فى عذاب ويكون سجين نفسه .
ربنا سبحانه وتعالى شرع الزاوج وشرع الطلاق .
صحيح ان ابغض الحلال عند الله الطلاق .
لكن لو بقت الحياة مستحيلة بين زوجين بيكون هو الحل .
ثانيا : نظرة المجتمع فى الطلاق وفي اشياء كثيرة خاطئة لانها بتكون نظرة من اتجاه واحد ولا تشمل كافة جوانب الموضوع .
صحيح فى نساء يصعب العيش معها وده اكثر اللى بيقولة المجتمع لكن اهملو ان هناك ايضا رجال لاتصلح لان تكون ازاوج او اباء .
وهذا الاختلاف يرجع لاسباب كثيرة اهمها نشاة الانسان ومبادئه .
لكن فى النهاية الانسان هو الانسان بمميزاته وعيوبة .
فالانسان اللى على خلق سواء رجل او امراة بيظهر معدنه الطيب مع الايام حتى لو المجتمع والناس ظلمة لكن هيجى يوم اللى يعرف فيه الناس انه كويس ولكن نصيحتى لصاحبة المشكلة انها تقرب من ربنا سبحانه وتعالى ومش يهمها من اى شئ وتعرف ان ده امتحان وان ربنا سبحانه وتعالى اذا احب عبدا ابتلاه فاذا صبر على مصيبته واستغفر الله سبحانه وتعالى كان جزاؤه عند الله عظيم .
ارجو انى اكون وفقت فى الاجابة وما كتبته كان ذلك من فضل ربى علي .
اللهن فرج كروبنا اللهم الف بين قلوبنا اللهم ثبتنا على دينك واحسن خاتمتنا واجعل اخر كلامنا لا اله الا الله محمد رسول الله