لو شفتو حبيبتى مرة فى يوم قولولها ان انا مش ناسيها
قولولها عينى ماشفتش النوم وقلبى ماشفش راحة بعديها
قولو لحبيبتى كفايا غياب كفايا فراق وكفايا بعاد
خلاص مش قادر انا من العذاب قولولها ترجع وبلاش عناد
وامانة سلملولى عليها وقولولها انها وحشانى
وانى مشتاق اشوف عينيها واخدها بين احضانى
دى كل كلمة دارت بينا لسه فاكرها ومش ناسيها
دى ياقلبى كانت هى حياتنا وكنا عايشين الدنيا ليها
قولولها ليه الدنيا وخداها قولولها ليه نسيت حبنا
وازاى هعيش وانا مش وياها دى هى ياقلبى روحنا وعشقنا
مهما بعدت حبيبتى عنى عمرها مابتفارق خيالى
دى هى عقلى وروحى وعمرى وحلم حياتى وانشغالى
ده كل حب الدنيا ليها وعمرى كله ملك ايديها
والنظرة عندى من عينيها بالدنيا دى واللى فيها
قولولها ترجع ونبدأ من تانى نعيش حياتنا من جديد
قولولها فى بعدك قلبى ده فانى وعمره فى يوم ماكان سعيد
الأربعاء يناير 23, 2008 2:27 am
